Kişilər və qadınlar arasında Azərbaycan çempionatlarında növbəti oyunların vaxtı müəyyənləşib.
Azərbaycan Voleybol Federasiyasından BrendSport.az-a bildiriblər ki, dekabrın 22-də qadın voleybolçular arasında Yüksək Liqada I turun oyunları keçiriləcək. Əvvəlcə meydana “Murov” və “Abşeron” komandaları çıxacaq. Oyun saat 16:00-da başlayacaq. Bu qarşılaşmadan iki saat sonra “Azərreyl”- UNEC duelinə start veriləcək.
Dekabrın 23-də isə kişi voleybolçular arasında Yüksək Liqada birinci turun “Murov” – “Neftçi” oyunu təşkil olunacaq. Matç saat 17:00-da başlayacaq.
Hər üç görüş Voleybol Mərkəzində təşkil olunacaq.
Qeyd edək ki, kişi və qadın voleybolçuların yarışı altı dövrədən ibarət olacaq. Əgər yekunda xallar bərabər olarsa, çempion qələbə sayına əsasən elan ediləcək.