Bakının “Zirə” klubu yeni futbolçu ilə anlaşıb.
BrendSport.az kluba istinadla xəbər verir ki, şimali makedoniyalı Georgi Stoilov heyətə cəlb edilib.
İyirmi beş yaşlı yarımmüdafiəçi ilə 2+1 illik müqavilə imzalanıb.
Qeyd edək ki, Georgi Stoilovun son klubu “Akademiya Pandev” (Şimali Makedoniya) olub. O, daha əvvəl ölkəsində “Horizont Turnovo” klubunda da çıxış edib. Stoilov həmçinin, Şimali Makedoniya yığmasında 2 oyun keçirib.