Qəbələ” tarixində 750-ci qolunu vurub.

BrendSport.az klubun saytına istinadən xəbər verir ki, bu, Azərbaycan Premyer Liqasının 27-ci turuna təsadüf edib. “Sabah”la ev oyununda (2:2) rəqib qapısına vurulan 2-ci top “qırmızı-qaralar” üçün yubileylə əlamətdar olub. Bu topa Stefan Vukçeviç imza atıb.

İlk rəsmi matçını 16 il öncə keçirən “Qəbələ” 576-cı oyununda “750”yə çatıb. Bu qollardan 527-si Premyer Liqa, 115-i ölkə kuboku, 72-si I dəstə, 36-sı UEFA Avropa Liqasına təsadüf edib. “Qəbələ” indiyədək evdə 423, səfərdə 325, neytral meydanda 2 qol vurub.