Qolunda qırıq aşkarlanan "Qarabağ"ın qapıçısı Şahrudin Məhəmmədəliyev bu gün Türkiyənin İstanbul şəhərində əməliyyat olunub.

Klubdan BrendSport.az -a verilən məlumata görə, əməliyyat uğurlu keçib. Millimizin də əsas qapıçısı olan 26 yaşlı qolkiper bir neçə gündən sonra Bakıya qayıdacaq.

Xatırladaq ki, Şahrudin Premyer Liqanın son turunda "Zirə" ilə görüşdə ciddi zədə alıb. Qolu qırılan futbolçunun mövsümü erkən bitirdiyi məlum olub.