21 yaşadək futbolçulardan ibarət yığmamızın üzvü Ozan Can Kökcü karyerasını Azərbaycanda davam etdirə bilər.

Bu barədə Türkiyə mətbuatı məlumat yayıb.

İddia edilir ki, Azərbaycan çempionu "Qarabağ” müqavilə ilə "Bursaspor”a məxsus olan yarımmüdafiəçini heyətinə qatmaq niyyətindədi. Onunla həmçinin Hollandiyanın "Feyenoord” klubu da maraqlanır. "Bursaspor”un yeni baş məşqçisi Samet Aybaba da yeni mövsümdə futbolçunun xidmətindən yararlanmaq istədiyi bildirilir.

Qeyd edək ki, Ozan Can Kökcü ötən mövsümün ikinci yarısını icarə əsasında Hollandiyanın birinci liqa təmsilçisi "Valveyk”də keçirib.