Gürcüstanın Batumi şəhərində keçirilən 43-cü Ümumdünya Şahmat Olimpiadasında 3-cü turun oyunları keçirilib.

Kişilərdən ibarət Azərbaycan millisi Sloveniya ilə üz-üzə gəlib. Qadın şahmatçılarımız İngiltərə ilə qarşılaşıb. Hər iki milli komanda rəqiblərini məğlub edib.

Azərbaycan - Sloveniya - 3.5:0.5

Şəhriyar Məmmədyarov - Yure Borişek - 0.5:0.5
Arkadi Naydiç - Matey Şebenik - 1:0
Rauf Məmmədov - Yure Şkoberne - 1:0
Eltac Səfərli - Boris Markoja - 1:0

Ş.Məmmədyarovla R.Məmmədov ağ, A.Naydiç və E.Səfərli isə qara fiqurlarla oynayıb.

İngiltərə - Azərbaycan - 1:3

Yovanka Quska - Günay Məmmədzadə - 1:0
Akşaya Kalayyalaxan - Zeynəb Məmmədyarova - 0:1
Dagne Çiukşite - Xanım Balacayeva - 0:1
Luiza Hed - Gülnar Məmmədova - 0:1

Z.Məmmədyarova ilə G.Məmmədova ağ, G.Məmmədzadə və X.Balacayev isə qara fiqurlarla oynayıb.

Qeyd edək ki, Azərbaycanın hər iki komandası ilk iki turda da qələbə qazanıb.