Faydalı saytlar


Reklam

VİDEO Bütün Xəbərlər

ÖZSÜD - DOĞRU SEÇİM



"Qrupda birinci yer uğrunda mübarizəni davam etdiririk"



Azərbaycan millisinin və Almaniyanın 3-cü Bundesliqa komandası "Proyssen”in hücumçusu Rüfət Dadaşov daha bir müsahibə verib. Uzun fasilədən sonra yığmaya çağırılan forvard bu dəfə "Westline” qaynağına danışıb.

- Hələ də yorğunluq var?

- Hə. Bir qədər.

- Təəccüblü deyil. Axı Bakıdan dünən dönmsüz.

-Dəqiq belədi. Öncə Frankfurta uçdum, sonra Münsterə.

-Sonra da məşqlərə... Heç olmasa, bir gün dincəlmək istəmədiz?

-Yox, səbirsizliklə klubdakı məşqləri gözləyirdim.

-Azərbaycan millisinə qayıdışınıza necə reaksiya verdilər?

-Hər kəsdən müsbət reaksiya gördüm. Həm futbolçulardan, həm də məşqçilərdən. Özüm də Azərbaycandan xoş duyğularla qayıtmışam. Qıcıqlandıran məqam Maltanı evdə məğlub edə bilməməyimizdi. Qol vəziyyətlərindən yararlana bilsəydik...

-Komandanız, yoxsa siz?

-(gülümsəyir) Yaxşı, özüm iki qol epizodu qaçırdım. Onlardan birində topu iki metrdən qapıya göndərə bilmədim. Məntiqlə, qapıdan keçməli idi. Amma keçmədi. Hər şeyə rəğmən, qrupda birinci yer uğrunda mübarizəni davam etdiririk.

-Yığmada necə ünsiyyət qururduz?

-Əsasən rusca. Komandada demək olar, hamı bu dili bilir. Hətta baş məşqçi də çox vaxt rusca danışır. Alman dilindən tərcümə edən də var. Ancaq bu, daha çox Dmitri Nazarov üçündü.

-2013-cü ilə qədər "Proyssen”də oynamış Nazarov? Onunla klub barədə söhbət etmədiz?

-Bir qədər. Deyir ki, klubda çox şey dəyişib.

-Hər iki oyunda 90 dəqiqə oynayacağınızla bağlı öncədən razılıq almışdız?

-Yox. Müəyyən şans qazanacağıma ümid edirdim. Amma baş məşqçinin seçimi çox şeydən xəbər verir. İnanıram ki, məni milliyə yenə çağıracaqlar.

-Yeni dəvət nə vaxt olacaq?

-Oyunlara iki həftə qalmış. Həmin vaxta qədər dəvət gəlməsə, deməli çağırmayacaqlar.

-Dövlət himnini doğrudan oxuduz?

-Yox. Amma bunun üzərində işləyirəm.

-Farer adalarına qarşı oyununuza baxanda donmaq olardı...

-Sadəcə dəhşət idi. Şaxtalı havada süni qazonda oynadıq. Yaxınlıqda tikinti meydançası var idi. Şaxtayla yanaşı, güclü külək və yağış da bizə mane olurdu. Başqa dünyaya düşmüşdük.

-Münsterdə daha istidi?

-Farer adaları ilə müqayisədə yaydı.

-Bakıda lap isti idi?

-Hə, hava çox xoş idi.

-Oyundan əvvəl sizdən müsahibə götürmək istəyənlərin çoxuyla razılaşmırdız. Niyə?

- Qarşılaşmadan öncə çox danışmaq istəmirdim. Matça köklənməliydik.


Facebook-da paylaş