Dekabrın 7-də kişilər və qadınlar arasında cüdo üzrə Azərbaycan kuboku yarışı start götürəcək.
Azərbaycan Cüdo Federasiyasından BrendSport.az-a bildiriblər ki, yarış Fövqəladə Hallar Nazirliyinin Hövsan qəsəbəsində yerləşən “Xilasedici” İdman-Sağlamlıq Mərkəzində keçiriləcək.
Turnirdə Azərbaycanın şəhər və rayonlarından 54 komandanın tərkibində 343 (282 kişi, 61 qadın) idmançının iştirakı planlaşdırılır. Turnir dekabrın 9-dək davam edəcək.