Faydalı saytlar


Reklam

VİDEO Bütün Xəbərlər

İbrahim Şehiç: Qarabağ Azərbaycandır


Türkiyənin “Konyaspor” futbol klubunun qapıçısı İbrahim Şehiç Azərbaycan Ordusuna dəstək nümayiş etdirib.
BrendSport.az xəbər verir ki, bosniyalı qapıçı şəxsi “Instagram” hesabında bununla bağlı paylaşım edib: “Dualarım sizinlədir, əziz dostlarım. Qarabağ Azərbaycandır”.
Otuz bir yaşlı futbolçu 2013-2018-ci illərdə “Qarabağ”da çıxış edib.


Ağırlıqqaldırma üzrə yeniyetmələr arasında dünya kubokunda idmançımız bir qızıl, iki gümüş medal qazanıb

Ağırlıqqaldırma üzrə yeniyetmələr arasında dünya kubokunda idmançımız bir qızıl, iki gümüş medal qazanıb


Noyabrın 11-dən 18-dək Perunun təşkilatçılığı ilə keçirilən ağırlıqqaldırma üzrə yeniyetmələr arasında dünya kuboku başa çatıb.
BrendSport.az xəbər verir ki, yarışda 61 ölkədən 399 (181 qadın və 218 kişi) idmançı mübarizə aparıb. Onların arasında Azərbaycan yığma komandasının üzvləri də olub. İdmançılarımızdan daha ikisi qüvvəsini sınayaraq millimizin çıxışlarına yekun vurublar.
Belə ki, 102 kiloqram çəki dərəcəsində təmsilçimiz Əli Şükürlü böyük uğur qazanıb. O, birdən qaldırma hərəkətində 145 kiloqramı ram edərək bu hərəkətdə qızıl medala sahib çıxıb. Təkanla qaldırma hərəkətində 165 kiloqramı başı üzərinə qaldıran atletimiz bu hərəkətdə isə gümüş medal əldə edib. Toplam 310 kiloqram (145+165) nəticə ilə Əli Şükürlü dünya kubokunun yekun sıralamasında da gümüş medal qazanıb.
Daha bir ağırlıqqaldıranımız, 73 kq çəki dərəcəsində C qrupunda çıxış edən Sənan Sahibov toplam 228 kiloqram (100 kq+128 kq) nəticə ilə 4-cü yeri tutub.
Əli Şükürlü yarışla bağlı təəssüratlarını da bölüşüb: “Bütün çətinliklərə baxmayaraq, bu medalları qazana bilməyim məni çox sevindirir. Birdən qaldırmada qızıl, təkan və toplamda gümüş medal böyük nəticədir və pandemiya şəraitində buna nail olmağıma xüsusilə şadam. Yarışa hazırlığımız çox çətin şəraitdə keçmişdi. Sumqayıtda ev şəraitində məşq edirdim, təlim-məşq toplanışlarımız yox idi. Məşqçilərim - Ağalar Muxtarov, Oktay Muxtarov və Emil Əliyevə minnətdaram ki, ruhdan düşməyimə imkan vermədilər. Məhdud imkanlarla çalışmalarımı davam etdirdim, formamı qorudum və inkişaf etdirdim. Dünya kubokunda bu medalları qazanmağım bütün əziyyət və əməyimizin bir əvəzi oldu. Atama da təşəkkür edirəm ki, mənə çox dəstək oldu, inandı. Onu da bu uğurum münasibətilə təbrik edirəm. Cəbhədəki qələbəmizdən sonra bu, əlavə bir sevinc oldu. Mən Qubadlıdanam. Ali Baş Komandan İlham Əliyevin rəhbərliyi ilə müzəffər Ordumuzun torpaqlarımızı işğaldan azad etməsi böyük bir bayram idi. Ata-baba torpaqlarımız geri qayıtdı və biz ərazi bütövlüyümüzü təmin etdik. Mən də bu uğurumu Azərbaycan Ordusuna həsr edirəm. Hər bir əsgərimizə təşəkkür edirəm ki, bizə belə xoş hissləri yaşatdı. Mən də bir idmançı kimi bu qələbəyə əlavə töhfəmi verə bildiyimə görə şadam. İnanıram ki, uğurlarımız davamlı olacaq. Qarabağ bizimdir, Qarabağ Azərbaycandır!”
Qeyd edək ki, kubok qeyri-ənənəvi qaydada təşkil edilib. Dünyada tüğyan edən koronavirus pandemiyası səbəbindən idmançıların bir araya gələrək eyni məkanda yarışması mümkün olmadığı üçün Beynəlxalq Ağır Atletika Federasiyası alternativ variant olaraq onlayn yarış keçirməyi qərara alıb. Belə ki, kubokda iştirakı təsdiqlənən ölkələrin idmançılarının hər biri öz ölkəsində (məkan seçimi sərbəstdir) təyin olunan vaxtda “Zoom” proqramı vasitəsilə yarışa qoşulub.


Facebook-da paylaş