Saratovda idman veteranı V.Q.Sosnerin xatirəsinə həsr olunmuş kadet, yeniyetmə və gənclər arasında boks üzrə açıq turnir start götürüb.

BrendSport.az xəbər verir ki, turnirdə ölkəmizi Daxili İşlər Nazirliyinin (DİN) İdman Cəmiyyətinin 9 boksçusu təmsil edir. İdman cəmiyyətinin baş məşqçisi, Əməkdar məşqçi Yadigar Məmmədovun verdiyi məlumata görə, yarışların ilk günü keçirilən qarşılaşmalarda boksçularımız, Umudəli Əzizov (59 kq), Elmar Novruzov (64 kq) rəqiblərini məğlub edərək, növbəti mərhələyə vəsiqə qazanıblar.

Turnirin final qarşılaşmaları dekabrın 22-də keçiriləcək.