Mayın 29-da Bakı Olimpiya Stadionunda keçiriləcək Azərbaycan – Qırğızıstan yoldaşlıq oyunu ərəfəsində millimizin mətbuat üçün açıq məşqinin və baş məşqçi Qurban Qurbanovla bir neçə futbolçunun iştirak edəcəyi mətbuat konfransı keçiriləcək. AFFA-nın yaydığı xəbərə görə, artıq bu tədbirlərin vaxtı dəqiqləşib.

Mayın 26-da ilk 15 dəqiqəsi mətbuat üçün açıq məşq baş tutacaq. Tofiq Bəhramov adına Respublika stadionundakı hazırlıq 18:00-da başlayacaq.

Qurbanovun mətbuat konfransı ertəsi gün olacaq. “Hyatt Ragency oteli”nin Nizami zalında gerçəkləşəcək tədbir saat 12:00-da start götürəcək.