UEFA növbəti dəfə “Qarabağ”la bağlı paylaşım edib
14-01-2022, 13:44
UEFA Konfrans Liqasının rəsmi tviter səhifəsində növbəti dəfə “Qarabağ”la bağlı paylaşım edilib.
BrendSport.az xəbər verir ki, postda Azərbaycan təmsilçisinin futbolçuları - İbrahima Vadji, Abbas Hüseynov və Kadi Borgesin qrup mərhələsində vurduğu qollar və qapıçı Şahruddin Məhəmmədəliyevin qurtarışı yer alıb.
Paylaşımda “Qrup mərhələsində “Qarabağ”ın ən yaxşı oyunçusu kim olub?” sualı da ünvanlanıb.
Qeyd edək ki, “Qarabağ” UEFA Konfrans Liqasının pley-off mərhələsində Fransanın “Marsel” klubu ilə üz-üzə gələcək. “Köhlən atlar” ilk görüşünü fevralın 17-də səfərdə, cavab qarşılaşmasını isə fevralın 24-də Bakıda keçirəcək.
Geri qayıt