Batut üzərində sinxron tullanış yarışlarının qalibləri müəyyənləşib
28-11-2021, 21:00
Bakıda keçirilən 28-ci dünya yaş qrupları yarışlarında batut üzərində sinxron tullanış yarışlarının qalibləri müəyyənləşib.
BrendSport.az xəbər verir ki, 17-21 yaşlı oğlanların mübarizəsində Qazaxıstan, Fransa və Belarus komandaları ilk üçlükdə yer alıblar.
Qızların yarışında Rusiya komandası birinci olub. Danimarka komandası yarışı ikinci, Almaniya isə üçüncü pillədə başa vurublar.
Xatırladaq ki, yarışın birinci günündə batutçumuz Maqsud Maqsudov 13-14 yaş kateqoriyasında bütün rəqiblərinə qalib gələrək turnirin qızıl medalını qazanıb.
Milli Gimnastika Arenasında keçirilən yarışda 32 ölkədən 621 idmançı mübarizə aparır.
Geri qayıt