Əsas Səhifə > Maraq > Azərbaycan cüdo üzrə Avropa Kubokunda medal əyarına görə 2-ci, kişilər arasında isə 1-ci yeri tutub

Azərbaycan cüdo üzrə Avropa Kubokunda medal əyarına görə 2-ci, kişilər arasında isə 1-ci yeri tutub


21-05-2023, 23:10




Azərbaycan Bosniya və Herseqovinanın paytaxtı Sarayevo şəhərində böyüklər arasında cüdo üzrə Avropa Kubokunda medal əyarına görə ümumi hesabda 2-ci, kişilər arasında isə 1-ci yeri tutub.

BrendSport.az xəbər verir ki, cüdoçularımız Sarayevo Avropa Kubokunu 6 medalla başa vurublar.

Mayın 20-21-də - iki gün davam edən yarışda 13 idmançımız medallar uğrunda mübarizə aparıb. İdmançılarımız yarışda ümumilikdə 3 qızıl, 1 gümüş və 2 bürünc medal əldə edib.

Yarışın ilk günü Azərbaycan cüdoçuları 2 qızıl, 1 gümüş və 1 bürünc medal qazanıblar.

Yarışın ikinci günündə -81 kq. çəkidə Məhərrəm İmamverdiyev qızıl medala sahib olub. Eyni çəki dərəcəsində yarışan digər cüdoçumuz Kərim Allahverdiyev 5-ci yerlə kifayətlənib. -100 kq. çəkidə Aslan Mirzəyev bürünc medal əldə edib. Eyni çəkidə digər cüdoçumuz Ruslan Nəsirli yarışı 7-ci yerdə tamamlayıb.
Geri qayıt