Teo Purşer Formula 2 üzrə dünya çempionatının 2022-ci il mövsümündə “ART Grand Prix” komandasında çıxış edəcək.
BrendSport.az xəbər verir ki, fransalı pilot komanda ilə müqaviləsini yeniləyib.
2021-ci ildə gənclər seriyasında debüt edən pilot ümumi sıralamada beşinci olub.
Qeyd edək ki, Formula 2 üzrə dünya çempionatının yeni mövsümü martın 20-də Bəhreyndə start götürəcək. Mövsümə noyabrın 20-də Əbu-Dabidə yekun vurulacaq. Mövsümün altıncı mərhələsinə Azərbaycan ev sahibliyi edəcək. Yarış iyunun 10-12-də Bakı şəhər halqasında keçiriləcək. Formula 2 yarışı yeni mövsümü rekord sayda - 14 mərhələdən ibarət olacaq.