Yanvarın 29-30-da Bakı Su İdmanı Sarayında “Iron WinD Winter Aquathlon” turniri təşkil olunacaq.
BrendSport.az xəbər verir ki, turnir Azərbaycan Triatlon Federasiyası və “Triterra” klubunun təşkilatçılığı ilə keçiriləcək.
Turnir komanda formatında baş tutacaq. Hər komandada 2 idmançı mübarizə aparacaq.
Reqlamentə görə, turnirin birinci günündə idmançılar 1,5 kilometr məsafəyə üzgüçülük yarışında güclərini sınayacaqlar. Növbəti gün isə 10 kilometr məsafəyə qaçış təşkil olunacaq. İki günün nəticəsinə görə, turnirin qalibi müəyyənləşəcək.