İyulun 24-də Tokio Olimpiadasında qılıncoynatmanın kişilər arasında sablya növündə, qadınlar arasında isə şpaqa növü üzrə qalibləri müəyyənləşib.
BrendSport.az xəbər verir ki, qadınlar arasında şpaqa növündə çinli Yiven Sun bütün rəqiblərini qabaqlayaraq fəxri kürsünün ən yüksək pilləsinə qalxıb. İkinci yerdə rumıniyalı Anna Maria Popesku, ücüncü yerdə isə estoniyalı Lehis Katrina qərarlaşıb.
Kişilərin sablya yarışında isə qızıl medalı macarıstanlı Aron Szilaqi qazanıb. İtaliyalı Luici Samele gümüş medal, Koreya respublikasının idmançısı Kim Junqvan isə bürünc medala sahib olublar.
Qeyd edək ki, ölkəmizi qılıncoyantma yarışlarında qadınların sablya növündə çıxış edən Anna Başta təmsil edir.