İyulun 19-dan 25-dək Macarıstanın paytaxtı Budapeştdə yeniyetmə güləşçilərin dünya çempionatı keçiriləcək.
BrendSport.az xəbər verir ki, mundialda ölkəmizi 3 qız güləşçi təmsil edəcək.
Böyük məşqçi Həsrət Məmmədyarovun rəhbərliyi altında yarışda Elvina Kərimzadə (40 kq), Ruzanna Məmmədova (46 kq) və Nərgiz Səmədova (49 kq) mübarizə aparacaqlar.
Qeyd edək ki, qız güləşçilər iyulun 21-dən 23-dək çempionatda çıxış edəcəklər.