Çempionlar Liqasının “Real”la final oyununda 2 kobud səhvlə yadda qalan “Liverpul”un qapıçısı Loris Karius yerli azarkeşlərin ciddi narazılığı ilə qarşılaşıb.

Britaniya mətbuatının yaydığı xəbərə görə, mersisaydlılar sosial şəbəkələr vasitəsilə alman qolkiperin ünvanına təhqir və təhdid yağdırıblar. Azarkeşlər Kariusu özünü və yaxınlarını öldürməklə hədələyiblər: “Mən səni, sənin sevgilini öldürəcəyəm”.

Bundan sonra Mersisayd polisi qolkiperə göndərilən təhdid mesajları ilə bağlı araşdırmalara başlayıb.

Qeyd edək ki, məhz Kariusun kobud səhvləri “Liverpul”un finalda 1:3 hesabı ilə məğlub olmasıyla nəticələnib.