Cənubi Koreyanın Pxençxan şəhərində keçirilən Qış Olimpiya Oyunlarında maraqlı hadisə baş verib. Sürət pateni yarışı bitdikdən sonra tamaşaçıların arasından bir nəfər səhnəyə atılıb.

Hər kəsin gözü önündə paltarlarını çıxarmağa başlayan bu şəxs əynində sadəcə balerina paltarı qalana qədər soyunub. Buz üzərində balet-buz pateni qarışığı bir rəqs şousu göstərməyə çalışan şəxs sürüşərək yıxılıb.

Böyük Britaniya vətəndaşı olan Mark Roberts olduğu müəyyənləşən bu şəxs tez-tez müxtəlif yarışlarda meydana çıxması ilə tanınır. Bundan əvvəl "Super Bowl" da meydana çıxan Roberts "Çılğın hərəkətlər etməyi sevirəm. Məqsədim insanları güldürməkdi" demişdi.

Sinəsinə "sülh və sevgi" yazan Mark indiyədək 22 fərqi ölkədə 562 dəfə meydana çıxaraq diqqətləri üzərinə çəkib.