Çempionlar Liqası və Avroliqadan sonra daha bir Avropa səviyyəli yarış təsis olunacaq.

Bu haqda Alamniya mətbuatı məlumat yayıb. Hətta məsələnin Monakoda keçirilən püşkatmada müzakirə olunduğu da vurğulanıb. Yayılan xəbərlərə görə Çempionlar Liqasının formatı olduğu kimi qalacaq, ancaq Avroliqada dəyişikliklərə gediləcək. Bunlarla yanaşı daha bir liqa yaradılacaq.

Qitənin ikinci böyük liqasında komandaların sayı azaldılaraq Çempionlar Liqası ilə eyniləşdiriləcək. Yəni AL-də də 32 komanda olacaq. Dəyişikliklərin 2021-ci ildən etibarən həyata keçiriləcəyi bildirilirb.

Əsasən Skandinaviya və Şərqi Avropaya üstünlük verilməklə, Avropanın daha kiçik ölkələrinin klubları yaradılacaq 32 komandalı yeni liqada yarışacaq. Burda yayımla bağlı da önəmli dəyişikliklər olunacaq və oyunlar yalnız internet üzərindən canlı şəkildə yayımlanacaq.