Gənc Sinemaçılar Klubunun üzvü Orxan Ağazadənin “Oturacaqlar” filmi Çexiyada XIV Praqa Beynəlxalq qısa film festivalı və Fransada “Angers Premiers Plans” film festivalının “European Student films” müsabiqəsinə dəvət alıb.

Cəfər Cabbarlı adına “Azərbaycanfilm” kinostudiyasından BrendSport.az -a bildirilib ki, Azərbaycan və İngiltərənin birgə istehsalı olan filmin ssenarist və quruluşçu rejissoru Orxan Ağazadə, quruluşçu operator Cameron Vard, quruluşçu rəssamı Lara Zeidandir.

Filmdə rolları Səyyad Əliyev, Zülfiyyə Nəzər Məmmədova, İskəndər Abbasov və başqaları oynayır.