Müğənni Berkayın həyat yoldaşına sataşdığı üçün yenidən diqqət mərkəzinə düşən Arda Turan "Başakşəhər”in məşqinə qatılıb.

Məşqdən sonra Arda "Başakşəhər”in əsas və əvəzedici komandaları arasındakı oyunda 40 dəqiqə meydanda olub.

Komanda yoldaşlarından və klub rəhbərliyindən halalıq istəyən Ardanın bu istəyi qəbul olunmayıb. Klub rəhbərliyinin bu davranışlara görə ona böyük miqdarda pul cəriməsi verəcəyi də dəqiqləşib.

Yaxın günlərdə "Başakşəhər” rəhbərliyi geniş mətbuat konfransı keçirəcək və həmin konfransda Arda bütün Türkiyə ictimaiyyətindən üzr də istəyəcək.