“Barselona”nın sabiq futbolçusu Ronaldinyo klub rəhbərliyinə müraciət edib. Ronaldinyo Lionel Messinin “Barselona” tarixinin ən yaxşı futbolçusu olduğunu bildirib. O, Leonun geyindiyi 10 nömrəli formanın əbədiləşdirilməli olduğunu da vurğulayıb:

“Hesab edirəm ki, Messi karyerasını bitirdikdən sonra “Barselona” 10 nömrəli formanın əbədiləşdirilməsi üçün qərar qəbul etməlidir. Leodan sonra bu formaya heç kim toxunmamalıdır.

O, “Barselona” tarixinin ən yaxşı futbolçusudur. Futbolu sevən hər kəs arzulayır ki, Messi uzun müddət oynasın. Şübhəsiz, Leo dünya futbol tarixinin ən möhtəşəm futbolçularından biri olmağı bacardı”.