Liverpool'un aparıcı üzvü Məhəmməd Salah Çempionlar Liqasının finalı haqda danışıb.

Britaniya mətbuatının verdiyi məlumata görə, misirli futbolçu finalı Salah-Ronaldo qarşıdurması adlandıranlarla razılaşmayıb:

“Əla komandada çıxış edirəm. Heyətimizdə çox yaxşı futbolçular var. Biz kollektiv şəkildə finala yüksəlmişik. Ona görə də bu, finaldır, Salahla Ronaldonun qarşıdurması yox. Anlayın, mən təklikdə qələbə qazana bilmərəm. Futbol komanda oyunudur. Əgər biz qol vururuqsa, deməli, bunda bütün kollektivin rolu var. Yox, rəqib fərqlənirsə, hamımız günahkarıq”.