Əsas Səhifə > Dünya idmanı > Ümumdünya Badminton Federasiyası gender bərabərliyinin təmin olunması barədə konstitusional dəyişiklik edib

Ümumdünya Badminton Federasiyası gender bərabərliyinin təmin olunması barədə konstitusional dəyişiklik edib


26-07-2020, 13:23
Ümumdünya Badminton Federasiyası gender bərabərliyinin təmin olunması barədə konstitusional dəyişiklik edib

Ümumdünya Badminton Federasiyası qurumun şurasında təmsil olunanlar arasında gender bərabərliyinin təmin olunması barədə konstitusional dəyişiklik edib.
BrendSport.az xəbər verir ki, Danimarkanın paytaxtı Kopenhagendə Ümumdünya Badminton Federasiyasının videokonfrans formatında 81-ci illik baş iclası baş tutub. Toplantıda Ümumdünya Badminton Federasiyasının Şurasında coğrafi və gender təmsilçiliyinin təmin olunması istiqamətində qərarlar qəbul edilib.
Beləliklə, təşkilatın şurasında təmsilçilik üçün gender bərabərliyi hər cins üçün minimum 30 faiz müəyyən edilməklə və hər qitədən təmsilçilərin olması təmin edilməklə konstitusiyaya dəyişiklik təsdiq edilib. Bu, 2020-ci ilin sonuna kimi bütün beynəlxalq federasiyalarda qərarverici orqanların işində 30 faiz gender iştirakının hədəf kimi götürülməsi üçün Beynəlxalq Olimpiya Komitəsinin irəli sürdüyü tövsiyədir.
Ümumdünya Badminton Federasiyasının prezidenti Poul-Erik Hoyer qurumun tarixində ilk dəfə virtual şəkildə keçirilən illik baş iclasın yekunlarını əhəmiyyətli hadisə adlandıraraq Yay Olimpiya İdman növləri Beynəlxalq Federasiyalar Assosiasiyaları arasında Ümumdünya Badminton Federasiyasının 3-cü pillədə olmasını fantastik nəticə adlandırıb.
Geri qayıt