Bu gün UEFA Çempionlar Liqasında 1/8 final mərhələsinin cavab matçlarına start veriləcək.

BrendSport.az xəbər verir ki, ilk oyun günündə 2 qarşılaşma keçiriləcək. Bununla da 1/4 finalın ilk iştirakçıları müəyyənləşəcək.

Gecənin ən prinsipial matçı İngiltərədə "Çelsi" və Almaniyanın "Borussiya" (Dortmund) komandaları arasında olacaq. Görüşü niderlandlı FIFA referisi Denni Makkeli idarə edəcək. Dortmunddakı ilk oyunda meydan sahibləri 1:0 hesablı qələbə qazanıblar.

Digər qarşılaşmada isə "Benfika" Portuqaliyada Belçika "Brügge"sini qəbul edəcək. Matçın baş hakimi Türkiyə Futbol Federasiyasından Halil Umut Meler olacaq. İlk görüşdə Lissabon təmsilçisi rəqibini məğlub edib - 2:0.

UEFA Çempionlar Liqası
1/8 final, cavab oyunları
7 mart

00:00. "Çelsi" (İngiltərə) - "Borussiya" Dortmund (Almaniya)
Baş hakim: Denni Makkeli (Niderland)
İlk oyun - 0:1
London, "Stemford Bric" stadionu

00:00. "Benfika" (Portuqaliya) - "Brügge" (Belçika)
Baş hakim: Halil Umut Meler (Türkiyə)
İlk oyun - 2:0
Lissabon, "Eştadiu du Benfika" stadionu

Qeyd edək ki, 1/8 finalın digər cavab oyunları martın 8-i, 14-ü və 15-də keçiriləcək.