İtaliyanın “Roma” klubu ciddi itki ilə üzləşib.

BrendSport.az paytaxt təmsilçisinin rəsmi saytına istinadən xəbər verir ki, qapıçı Pau Lopes sıradan çıxıb.

Avropa Liqasının yarımfinal mərhələsinin “Mançester Yunayted”lə ilk oyununda (2:6) çiynindən zədələnən Lopes əməliyyat olunub. O, 3 ay yaşıl meydanlardan uzaq qalacaq.

Qeyd edək ki, “Roma” “Mançester Yunayted”ə cavab matçında 3:2 hesabıyla qalib gəlsə də, iki oyunun nəticəsinə görə Avroliqada mübarizəni dayandırıb.