Türkiyə millisinə yeni futbolçu çağırılacaq.

BrendSport.az Türkiyə mətbuatına istinadən xəbər verir ki, yığmanın baş məşqçisi Şenol Günəş "Beşiktaş"ın hücumçusu Cenk Tosunun zədələnərək mövsümü erkən başa vurmasından sonra bu qərarı verib.

Hücum xəttində təkcə Burak Yılmaz və Enes Ünalın qalmasından sonra 68 yaşlı mütəxəssis "Qalatasaray"ın oyunçusu Halil Dervişoğlunu milliyə dəvət etmək qərarına gəlib. 21 yaşlı hücumçu Avro-2020 öncəsi Azərbaycan (27 may) və Şimali İrlandiya (31 may) ilə yoldaşları görüşləri üçün heyətdə yer alacaq.

Onun bu matçlardakı çıxışından sonra Avro-2020 üçün yekun heyətdə yer alıb-almayacağına qərar veriləcək.