Fransanın “Renn” futbol klubunun qapıçısı Pepe Bone UEFA Avropa Liqasının qrup mərhələsində yeni rekord müəyyənləşdirib.

BrendSport.az xəbər verir ki, konqolu qolkiper UEFA Avropa Liqasının qrup mərhələsi çərçivəsində Rumıniyanın “ÇFR Kluj” komandası ilə oyunun 5-ci dəqiqəsində əsas qapıçı Eduard Mendi qırmızı vərəqə aldıqdan sonra meydana daxil olub və bununla da avrokuboklarda debüt edib. P.Bone 16 yaş 254 günlüyündə meydana çıxmaqla Avropa Liqası tarixinin ən gənc qapıçısı adına yiyələnib.

Qeyd edək ki, “Renn”-“ÇFR Kluj” oyunu qonaqların 1:0 hesablı qələbəsi ilə yekunlaşıb.