UEFA Millətlər Liqasında V turun oyunlarına start verilib. İlk oyun günündə 4 liqada 9 qarşılaşma baş tutub.

A Liqasında iki oyun keçirilib. II qrupda Belçika doğma meydanda İslandiyanı 2:0 hesabı ilə yenib. Bununla da belçikallar maksimum nəticə ilə vahid lider olub.

IV qrupda isə Xorvatiya evdə İspaniya ilə münasibətlərə aydınlıq gətirib. 5 qolun vurulduğu oyunda xorvatlar qələbə qazanıb - 3:2. Bu Xorvatiyanın Millətlər Liqasında ilk qələbəsi olub..

B Liqasının III qrupunda Bosniya və Hersoqovina səfərdə Avstriya ilə qarşılaşıb. Görüşdə hesab açılmayıb.

C Liqasının II qrupunda Macarıstan Estoniyanı 2:0, Yunanıstan isə Finlandiyanı 1:0 hesabı ilə məğlub edib. Macarıstan və Estoniya növbəti mərhələ şanslarını itirib. Finlandiya isə bir xal qazanacağı təqdirdə növbəti mərhələyə vəsiqəni təmin edəcəkdi. Amma finlər buna nail ola bilməyib.

D Liqasının I qrupunda Qazaxıstan evdə Latviya, Gürcüstan səfərdə Estoniya ilə "sülh"ə razılaşıb - 1:1.

Lüksemburq yığması II qrupunda evdə Belarusla üz-üzə gəlib və 0:2 hesabı ilə uduzub. Meydan sahibləri qələbə qazansaydı, növbəti mərhələyə yüksələcəkdi. Qrupun digər matçında isə Moldova San Marinodan üstün olub - 1:0.

Millətlər Liqası
V tur
15 noyabr

A Liqası

II qrup

Belçika - İslandiya 2:0
Qollar: Miçi Batşuayi, 65; 81

IV qrup

Xorvatiya - İspaniya 3:2
Qollar: Andrey Kramariç, 54 Tin Cedvay, 69; 90+3 - Daniel Kebalyos, 56. Serxio Ramos, 78-pen.

B Liqası

III qrup

Avstriya - Bosniya və Hersoqovina 0:0

C Liqası

II qrup

Yunanıstan - Finlandiya 1:0
Qol: Albin Qranlund, 25 (avtoqol).

Macarıstan - Estoniya 2:0
Qollar: Uilli Orban, 8. Adam Szalai, 69.

D Liqası

I qrup

Qazaxıstan - Latviya 1:1
Qollar: Qafurxan Suyumbayev, 37 - Deniss Rakels, 49.

Andorra - Gürcüstan 1:1
Qolar: Kristian Martines, 63 - Georgi Çakvetadze, 9.

II qrup

Lüksemburq - Belarus 0:2
Qollar: Stanislav Draqun, 37; 54.

San Marino - Moldova 0:1
Qol: Vitali Damaskan, 78.