Braziliya millisinin və "Milan"nın sabiq futbolçusu Kafu, "Real"ın yeni transferi Vinisius Junior haqda fikirlərini bildirib.

Kafu Braziliya mətbuatına açıqlamasında Vinisiusun gələcəkdə yeni Kriştiano Ronaldo olacağını deyib:

"Vinisiusun "Real"da parlaq gələcəyi var. Ancaq hələ ulduz futbolçu deyil. Onu indi Ronaldoyla müqayisə etmək düzgün olmaz. Ronaldo "Real"da qazana biləcəyi hər şeyi qazandı.

Vinisius çox istedadlı futbolçudur. Yeni Kriştiano Ronaldo ola bilər. Bunun üçün çox çalışmalıdır".

"Real" Vinisiusu Braziliyanın "Flamenqo" klubundan transfer edib. 18 yaşlı futbolçu cari mövsümdə 5 oyunda iştirak edib və 4 məhsuldar ötürmə edib.