Biləsuvar Olimpiya İdman Kompleksində “Vətənin müdafiəsinə hazıram” poliatlon çoxnövçülüyü üzrə Respublika çempionatının zona birinciliyi keçirilib. 4 növçülük üzrə (100 metr və 2000 metr məsafəyə qaçış, turnikdə dartınma və qumbara atmaq) keçirilən yarışın sonunda ən yüksək xal toplayan komandalardan Biləsuvar rayon komandası birinci, Salyan rayon komandası ikinci, Cəlilabad rayon komandası isə üçüncü yerə layiq görüldülər.

Beləliklə, qalib komandalar Xaçmaz şəhərində keçirilən Respublika final mərhələsinə vəsiqə qazandılar.

Tural Məmmədov