“Yuventus”un hücumçusu Kriştiano Ronaldo milli komanda ilə bağlı fikrini dəyişib.

“Corriere dello Sport”un yaydığı xəbərə görə, 33 yaşlı futbolçu yığmaya qayıtmağa qərar verib. “Yuventus”a daha yaxşı uyğunlaşmaq üçün bu ilin sonuna qədər millidə oynamayacağını açıqlayan təcrübəli forvard artıq hazır olduğunu bildirib.

Qeyd edək ki, Portuqaliya millisi UEFA Millətlər Liqasında noyabrın 17-də İtaliya, 3 gün sonra isə Polşa ilə qarşılaşacaq. Ronaldonun hər iki oyunda meydana çıxacağı gözlənilir.