Sentyabr ayının 14-15-də Qətərin Doha şəhərində üzgüçülük üzrə Dünya Kubokunun növbəti mərhələsi keçirilib. Yarışda idmançımız Maksim Şembirev 200 metr batterflyay növündə qızıl və 400 metr qarışıq üzmədə isə gümüş medal qazanıb.

Eyni zamanda sentyabr ayının 14-16-sı tarixləri arasında Bakı Su İdmanı Sarayında keçirilən üzgüçülük üzrə Aşıq Azərbaycan Çempionatı keçirilib. Yarışda Azərbaycan idmançıları ilə yanaşı, İran İslam Respublikasının da idmançıları iştirak ediblər.

Yarışda 120-dən çox idmançı, 20 idman cəmiyyəti və klubu iştirak edib. İlk dəfə yarışa qatılan 14 yaşlı Azərbaycan idmançısı, yığma komandanın üzvü Ramil Vəlizadə idman ustası normasını yerinə yetirməyə müvəffəq olub.