Yay transfer pəncərəsində Bfetimbi Qomislə yolları ayıran "Qalatasaray"da hücumçu problemi həllini tapmayıb. Baş məşqçi Fatih Terim də hücum xəttinə yeni oyunçu transfer edilmədiyinə görə rəhbərlikdən narazıdır.

Türkiyə mətbuatının bu gün yaydığı xəbərlərdə isə klub prezidenti Mustafa Cengizin "Monako"nun ulduzu Radamel Falkaonun transferinə göstəriş verdiyi deyilir.

M.Cengiz Kolumbiya millisinin üzvünün yanvar ayında komandaya cəlb olunmasını istəyir. Bu barədə açıqlama verən klub rəhbəri, "Fatih Terim bu heyətlə də nəticə qazana bilər. Mövsümün əvvəlində maliyyə sıxıntılarına görə transfer həyata keçirə bilmədik. Amma Çempionlar Liqasında gələcək bütün pulu transferə xərcləyəcəyimə söz verirəm", - deyə bildirib.