"Barselona"nın futbolçusu Jerar Pike İspaniya millisindəki karyerasını başa vurub.

Yerli mətbuatın yaydığı xəbərə görə, bu barədə 31 yaşlı müdafiəçinin özü məlumat verib: "Baş məşqçi Luis Enrike ilə danışdım və ona qərarımı bildirdim. Bu, gözəl tarix idi. Amma daha bütün diqqətimi "Barselona"ya yönəldəcəm".

Qeyd edək ki, 2009-cu ildən İspaniya millisində oynayan Pike indiyə kimi 103 matçda 5 qol vurmuşdu.