PSJ-nin hücumçusu Qonzalo Quedes karyerasını yenə İspaniyada davam etdirə bilər. Portuqaliyalı forvardı “Valensiya” almaq istəyir.

“Yarasalar” ötən mövsümü icarə əsasında heyətində keçirmiş oyunçunun transfer hüququna daimi əsasla yiyələnmək istəyirlər. La Liqa təmsilçisi Quedesin qarşılığında 50 milyon avrosundan da keçməyə hazırdı.

Transferin reallaşmasında əngəllərdən biri də hücumçunun bir çox digər Avropa klublarının maraq dairəsində olmasıdır. Belə ki, 21 yaşlı oyunçunu “Arsenal” və “Mançester Yunayted” də heyətində görmək istəyir.

Qeyd edək ki, ötən mövsüm La Liqada 33 oyunda meydana çıxan Quedes 5 qol vurub, 11 dəfə məhsuldar ötürmə ilə yadda qalıb.